O mércores 16 de novembro achegouse ata o noso centro Lupe Blanco para falarlle ós alumnos/as de 1º e 2º ESO das regueifas.
Explicounos en
que consiste ser regueifeira ou regueifeiro. Os regueifeiros comezaban a cantar
nos bares e tabernas, meténdose os uns cos outros mentres xogaban a partida,
sempre con moita retranca. Antigamente estaba mal visto que unha muller fose
regueifeira, porque tamén estaba mal visto que fosen a unha taberna, espazo no
que practicaban os regueifeiros antes de seren invitados a vodas e festas
parroquiais para demostrar as súas habilidades á hora de improvisar coplas.
A primeira muller
regueifeira foi Leonarda de Tallo, aló polo s. XIX.
Lupe tamén nos
falou de figuras similares ós regueifeiros en distintas zonas de Galicia, de
España, e de América Latina.
No Courel,
invitaban ós “brindos” para cantar nas vodas. O brindeiro era unha especie de
trobador que cantaba coplas menos retranqueiras que os regueifeiros. Por outra
banda, na comarca do Ulla atopamos ós “Xenerais do Ulla”, e en Vilariño do
Conxo (Ourense) celebraban as “bombas” nas que competían de xeito grupal.
Lindando con Portugal, existen os “desafíos”.
O País Vasco é o
territorio de toda a península onde máis valor se lle dá a estes cantos
improvisados. De feito, mesmo celebran un mundial moi concorrido cada tres anos.
A nivel
internacional, considérase a Cuba como a “catedral da improvisación”, con
personaxes recoñecidos como Alexis Díaz Pimienta.
Ata pronto!
Comentarios
Publicar un comentario