Actividades no grupo de 3ºEP

Entroido: Culturas do Mundo

Arrancamos o Entroido bailando distintas danzas do mundo, coa compañía Pesdelán no Teatro Principal en Santiago de Compostela. Co seu espectáculo: Entroidanzas, bailamos ao son do Frevo do Brasil ou ao Son de los Diablos de Arxentina.

Seguimos os mandatos do Meco, que nos deixou un día para vestirnos daquilo que nós quixeramos.

E culminamos a festa descubrindo a Cultura Grega, vestidos da Escola de Atenas. Participamos todas as clase nun pequeno desfile, acompañados das nosas familias, nos que escoitamos música das distintas culturas do mundo. Nós en terceiro, preparamos a nosa propia danza coa música de Zorba.

O teatro na casa da cultura

A cultura e o teatro estiveron moi presentes este ano coas múltiples representacións ás que puidemos asistir e das que aprendemos…

… No mundo hai moitas Pandoras, sen caixas, das que temos que estar orgullosos/as e agradeciadas/os.

… Non debemos andar Pasando a bola do acoso escolar nin da igualdade.

Os compañeiros e compañeiras das diferentes clases participaron activamente nas obras desta compañía, facéndonos ver situacións que debemos empezar a cambiar.

Ópera da Coruña

Os grupos de 1º, 2º e 3º de Educación Primaria viaxamos ata a Ópera da Coruña para vivir A viaxe de Walt cunha marabillosa orquesta que nos foi transportando coa melodía dos clásicos das películas de Walt Disney.

Contacontos a Infantil

O clube de lectura de terceiro de primaria percorremos as diferentes aulas de 4º, 5º e 6º de Educación Infantil para contarlles o conto Rapunzel con Piollos. Preparamos uns cartaces nos que resumimos a historia para a cativada, que escoitaron atentos e en silencio. Estamos desexando repetilo!