Este ano
o Entroido comezou coa confección, por parte do alumnado do 3º ciclo, do noso
Meco. Logo o alumnado do 2º ciclo fixo as rimas solicitandonos a todos que
trouxeramos algo para cada día da semana. Aproveitamos o Entroido para disfrazarnos de
acordo coa temática do proxecto de
biblioteca. Así o Luns tivemos que
traer unhas botas de auga, o martes un xersei ou camiseta do revés e un bigote,
o mércores tiñamos que traer un sombreiro e
finalmente o venres (xa que o xoves os de primaria fomos de excursión á
Coruña) tiñamos que vir disfrazados de pescadores de río, con cana e todo.
Este foi
o noso Meco, que ten postas as rimas que fixeron o 1º día os de 4º para que o
luns se trouxeran botas de goma.
Así
viñeron, con variados gorros, o día que nos mandou traer sombreiro.
O xoves
os de E. Infantil, disfrazados do que querían, aproveitaron para facer un
torneo de pesca á cuberto. Nas fotos podemos ver o detalle dos peixes con clips para poder ser
pescados polos imáns das canas. Logo os pescadores entregados á faena e
finalmente a mesa onde estaban os prezados trofeos (matasogras e globos).
Tamén
convertiron en pescadora á nena que fixeran no Outono.
E chegou
o venres! O noso colexio parecía unha gran reunión de pescadores e pescadoras.
O primeiro foi un desfile por ciclos como se ve nas fotos.
Unha vez
rematado o desfile cantouse unha canción inventada para a ocasión.
Logo
leuse o xuízo do Meco feito polo
alumnado do 3º ciclo, polo que se lle condenaba a arder no lume do Entroido.
Finalmente tamén se lle deu lectura ao seu testamento.
A
continuación queimouse o Meco, con moita “pena”.
E
finalmente douse boa conta dos sabrosos doces de Entroido traídos pola ANPA do
colexio.
Con todas as rimas, o
xuízo, o testamento... fixemos un libro para recordar este Entroido do 2013.
Comentarios
Publicar un comentario