ACTO DO DÍA DA MULLER TRABALLADORA E DÍA DA
POESÍA
Nas etapas de E. Infantil e Primaria traballouse, ao igual que
na E. Secundaria, a biografía dunha
pintora para conmemorar o día da Muller Traballadora e tamén se preparou un
recitado de poemas para ir polas clases con motivo do día da poesía; pero a
maiores fixemos un pequeno acto o venres 28 de marzo para destacar un chisco
máis estes dous días.
As encargadas de presentar o acto foron Alba de 6º e María de 5º.
En primeiro lugar María e Clara de 5º recitáronnos un
poemiña, inventado por elas sobre as mulleres traballadoras.
Os seguintes en saír ao escenario foron os máis pequenos que nos
recitaron á súa especial maneira o poema de Gloria Fuertes “Doña Pito Piturra”.
Logo saíron os nenos e nenas de segundo, que nos contaron
algunhas cousiñas da pintora Rosalía
Dans, da súa vida e obra.
A continuación os nenos de primeiro recitáronnos uns poemiñas
teatralizados.
Logo chegou o turno dos de 3º que nos falaron da pintora Maruja
Mallo e algunhas peculiaridades da súa vida e obra.
A continuación os de 4º recitáronnos un divertido poema sobre Pablo Picasso “Este Picasso es un
caso!”
Para finalizar os de 5º e 6º faláronnos das pintoras sobre as que estiveran investigando, que foron Marta Cabaleiro en 5º e Menchu Lamas en 6º. Asimesmo amosáronnos algunhas das obras destas pintoras que eles imitaran.
E finalmente chegou a hora dos agasallos . Entregaronse os
premios ás nenas de 3º a 6º gañadoras do concurso convocado polo departamento
de Normalización e apoiado por
biblioteca co gallo do “Día da Muller Traballadora”, que consistía en
respostar unha serie de preguntas sobre as pintoras e ilustradoras que se
traballaran nas distintas aulas do centro e cuxas vidas e obra estaban expostas en cartolinas violetas na
entrada do centro. Nas seguintes fotos
podemos ver algúns cursos no momento de buscar a información para
completar o cuestionario do concurso,
elaborado polo Departamento de Normalización.
E estas foron as gañadoras do concurso que se convocou para o
alumnado de 3º a 6º.
As outras clases tamén recibiron un pequeno agasallo da biblioteca pola súa estupenda aportación a este acto que non tería sido posible sen a colaboración de todos! Na seguinte foto vemos a un representante de cada clase recoller dito agasallo.
Para rematar este acto cantamos o poema "Adiós ríos,
adiós fontes" de Rosalía de Castro acompañados dun vídeo.
Comentarios
Publicar un comentario