Xa
estamos de cheo no novo curso! E.... a biblioteca Manuel González González, do
CPI A Picota, abreu as súas portas!! E... tamén un ano máis xa temos preparados aos nosos
máis fieis colaboradores na biblioteca. Moitos dos rapaces e rapazas de 5º e 6º
bótannos unha man na biblioteca, facendo os préstamos no recreo, axudando aos máis
pequenos, colocando os libros...
Tamén
se fixeron algunhas actividades de Formación de usuarios da biblioteca.
Presentouselles
a biblioteca aos máis pequeniños do cole os nenos e nenas de 3 anos, que
despois de coñecer a Léctor, a nosa mascota, e de saber onde están os libros
que máis lles interesan, escoitaron o conto da “Ratiña Presumida”, contado por
Ismael, o coordinador da biblioteca. Tamén os outros cursos de infantil
disfrutaron desta actividade e finalmente foron agasallados cuns globos que
tiñan a Léctor estampado neles.
O
resto de cursos tamén foron facendo algunha actividade ou xogo para mellorar o
seu coñecemento da biblioteca, nas seguintes fotos vemos aos nenos e nenas de
5º facendo o xogo no que tiñan que ir resolvendo preguntas relativas á CDU, á
colocación dos libros na biblioteca, búsqueda de autores,... co que ían
conseguindo diferentes pezas do puzzle de Manuel González, o padriño da nosa
biblioteca.