Un ano máis, e xa van uns cantos,
participamos no contrato-programa “Club de cálculo e lecturas divertidas”,
pensado para alumnado de 5º e 6º de primaria.
Este ano participaron nel Carla, Alicia, Alexia, Uxía e Lucía de 5º e Iria,
Anxo, Martín, Marina e Anxela de 6º. As reunións tiveron lugar todas as semanas,
os mércores, e nelas comentabamos os capítulos que sinalaramos para ler a
semana anterior. Este ano lemos dous libros que tiveron moi boa acollida entre
os participantes. Son os seguintes:
-Marco
Polo no fue solo, Pilar Lozano. Editorial Bruño. Xa que
dentro do Plan de Mellora de Bibliotecas, este ano a temática eran “Grandes
viaxes”.
-Los
instantes perfectos. Ana Alonso. Editorial Oxford.
Ademais tamén fixemos xogos de lóxica e cálculo mental. Na seguinte foto
estamos facendo cálculo mental na aula de informática.
A final de curso fixemos unha
excursión a Padrón para visitar a casa de Rosalía e a fundación Camilo José
Cela. Como chegamos algo cedo puidemos
dar un paseiño polos arredores da casa de Rosalía e ata vimos chegar o tren.
Logo fixemos as visitas e despois fomos comer a un parque e tamén tivemos tempo
para disfrutar, especialmente na tirolina. Pasámolo xenial!!
A continuación unhas cantas fotos
desta estupenda excursión.