Celebramos o Día Internacional do Libro Infantil e Xuvenil

Hoxe, 2 de abril, é o Día internacional do libro infantil e xuvenil.

 Dende a biblioteca, queremos propoñervos unha actividade  para celebrar esta data, xa que os libros son, para moitos, unha axuda nestes días de confinamento cos que podemos sentir e viaxar coa nosa imaxinación, sen sair da casa,  a mil e un lugares.

A idea é que saquedes unha foto co libro que máis vos gusta nas mans, ou que mandedes un pequeno video lendo o trozo que máis vos gusta do voso libro favorito ou, incluso, que fagades un minilibro e nos mandedes as vosas fotos con el .

E…para que vexades que predicamos co exemplo aí van algunhas fotiños. Esperamos as vosas!!

Animádevos a participar!!

   Deixámosvos tamén algúns enlaces onde podedes ver e descargar libros infantís e xuvenís para tódalas idades: 

Nube Branca quere ser astronauta 

Selección de libros da editorial Bahía por idades

Aquí temos a primeira aportación ao  " Día do libro  infantil e xuvenil". A Iago góstalle moito este libro de  Laurence Tichit que fala da amizade e que nos dí que ainda que sexamos moi diferentes podemos ser amigos.

Lucía elixeu un dos libros que levou na mochila viaxeira. Disque lle fixo moita gracia, porque conta a historia dun reloxo espertador que nunca daba a hora porque non sabía contar. Pero el non se rende e, coa axuda dun parrulo, encargarase cada mañán de espertar a toda a granxa.