Receita do "sancocho", prato típico de Colombia

Ao longo destes dous últimos cursos, no noso centro foise configurando unha ampla comunidade de alumnas e alumnos chegados de América do Sur, especialmente de Venezuela e Colombia. Como exemplo da riqueza que supón contar no centro con alumnado procedente doutras culturas, dúas estudantes de orixe colombiana, Laura Kamila e Melanie, compartiron con nós a receita dun dos “pratos nacionais” do seu país: o sancocho.

 

INGREDIENTES (para 6/8 persoas):

·         1 kg de costela de tenreira e/ou porco

·         1 kg de carne de galiña

·         3 plátanos verdes

·         1 iuca 

·         1 kg de patacas

·         3 mazarocas de millo tenro

·         1 manchea de coandro

·         500 g de cenorias

·         Sal

·         Comiño

·         2 cubiños de caldo

 

SECO (gornición):

·         1 aguacate grande

·         1 plátano verde

·         250 g de arroz

·         2 tomates

·         2 cebolas

·         Aceite

·         Limón

·         Sal

 ZUME GUARAPO (mollo):

·         Auga de panela

·         1 limón

 

PREPARACIÓN:

Para comezar, imos coller unha pota a presión e enchela de auga. Condimentámola con sal e comiño. Despois metemos a carne na pota e engadimos 2 cubiños de caldo para darlle máis sabor.

Logo picamos a pataca, o plátano, o millo e a iuca, e engadímolo cando a auga da pota estea a ferver.

Despois duns minutos, cun coitelo comprobamos se todo o que agregamos está brando e botamos o coandro e a cenoria relada e esperamos outro pouco para que se termine de preparar.

O sancocho leva como gornición un prato anexo chamado “seco”, cunha base de arroz (aliñado con sal e aceite) acompañada de talladas grandes de plátano verde previamente fritidas na tixola con aceite.

O seco leva por riba un prebe chamado “peteiro de galo”, elaborada con tomate e cebola mesturados con limón e sal.

 

Cando todo estea listo, podemos empratar o seco, que se serve cun talladas de aguacate en cru.

Finalmente, o sancocho leva tamén un zume chamado “guarapo”, elaborado con panela (cana de azucre, que se pode comprar enteira ou en po). Á panela engádeselle auga ata que se derreta e, unha vez líquida, agregamos zume de limón ao gusto.

Como vedes, é un prato un tanto laborioso de preparar, pero delicioso...

BO PROVEITO!

Melanie Gallego e Laura Kamila Cataño, 2º ESO