O alumnado participante no club de lectura de Secundaria viaxou á Coruña para coñecer os escenarios da nove Os metrosiderais de Héctor Cajaraville, a última obra que leron neste curso os membros do club.
A praia das Amorosas, a igrexa de San Xosé, a tenda de culleriñas Edu ou a sede da Policía Local e o seu metrosidero (elemento central da novela) foron algúns dos puntos do percorrido.
Pola tarde o grupo trasladouse á Casa das Ciencias, en cuxo planetario asistiu á proxección do documental Biosfera escura, no que se fala sobre as especies extremófilas que habitan os ecosistemas menos aptos para a vida no planeta Terra e se aventura a posibilidade da existencia de formas de vida básicas noutros lugares do Sistema Solar. Ademais, tivemos a inmensa sorte de velo en primicia!
A continuación as rapazas e os rapaces visitaron os diferentes andares da Casa das Ciencias para gozar dos xogos e experimentos expostos.
Aínda houbo tempo de pasear un anaco polo parque de Santa Margarida antes de regresar de novo ao centro.
Comentarios
Publicar un comentario