Na xornada do 6 de febreiro o alumnado de 2º e 4º da ESO achegámonos á cidade de Santiago de Compostela, para visitar o recentemente restaurado Pórtico da Gloria na catedral de Santiago. Quedamos abraiadas coa policromía desta fantástica e única obra da arte medieval que serviu de transición entre o románico e o gótico. Pola tarde, previa parada para o xantar, dirixímonos á Cidade da Cultura, aproveitando a presenza da exposición do cadro "A derradeira leición do mestre", obra de Castelao e que se encontra en Bos Aires. Ademais, puidemos comprobar como era a situación das escolas e da educación a comezos do século XX.