O pasado xoves día 6 de febreiro, co alumnado de 3º e 4º da ESO, fomos ata o concello de Vimianzo para asistir á representación teatral da peza Don Juan Tenorio de José Zorrilla.
Logo, visitamos o singular complexo dos batáns e muíños do Mosquetín, na estrema co concello de Baio. Alí puidemos coñecer, da man do guía Manuel, como era o funcionamento destes batáns. Grandes mazos de madeira impulsados pola forza motriz da auga que servían para alisar e traballar texidos. Ademais, puidemos comprobar directamento o funcionamento dun muíño de auga tradicional e as diferentes pezas que o compoñen dende a moxega ao rodicio.
Aquí podedes ver algunhas fotos da xornada:
Comentarios
Publicar un comentario