Un curso máis solicitamos para
o noso centro o Plan Director
para a Convivencia
e a Mellora da
Seguridade nos Centros
Educativos e as súas Contornas, desenvolvido polas Forzas e Corpos
de Seguridade do Estado.
Este programa responde a unha das principais liñas de actuación do Goberno e polo tanto tamén da Delegación de Goberno en Galicia, como é o impulso da educación en valores e a importancia da prevención e información como elementos fundamentais para a mellora da sociedade.
A proposta de actividades inclúe aspectos tan relevantes como o acoso escolar, os riscos ·asociados ao uso das redes socias, o consumo de estupefacientes e alcol, a violencia nos centros escolares, os abusos e agresións sexuais e a violencia sobre a muller, o maltrato no ámbito familiar, os comportamentos racistas e xenófobos e a discriminación por razón de sexo ou raza, entre outros. Son temas de especial importancia e interese para toda a comunidade educativa, polo que nos decidimos a continuar participando.
O persoal especializado das Forzas e Corpos de Seguridade do Estado, as Unidades de Coordinación contra a Violencia sobre a Muller da Delegación do Goberno en Galicia e as súas subdelegacións que, en colaboración coa Alta Inspección de Educación en Galicia e a Inspección Educativa da Xunta de Galicia, son os responsables do desenvolvemento deste proxecto.
O luns comezamos con estas charlas nos grupos da ESO. Esta primeira primeira tratou sobre o “Acoso Escolar”.
Comentarios
Publicar un comentario