Un ano máis, dende o CPI a Picota quixemos dar visibilidade a este día a través de distintas propostas nas que participaron gran parte do alumnado de Infantil, Primaria e Secundaria.
Os alumnos/as de Infantil e Primaria realizaron unha instalación inspirada na obra “Zapatos vermellos”, da arquitecta e artista visual mexicana Elina Chauvet. A peza foi colocada en distintos espazos do centro.
Os alumnos/as de
6º Primaria realizaron unha composición inspirada nas serigrafías do artista
pop Andy Warhol. Nesta obra fálannos da moza Mahsa Amini, que foi asasinada en
Irán por non levar o velo como marca a lei. Dende o 16 de setembro miles de
persoas manifestáronse en Irán e en moitos outros países.
Os alumnos/as de
3ºESO participaron no “III Concurso de Fotografía/Fotomontaxe Contra a
Violencia de Xénero”. Realizamos o proceso de votación para elixir a imaxe
gañadora durante dous recreos desta semana.
Os alumnos de
EPVA de 4ºESO realizaron un mural inspirado nun selfie realizado pola fotógrafa
estadounidense Nan Goldin. Na súa obra traballa temas como: o mundo
underground, o punk, a contracultura, a visibilización de diferentes identidades
sexuais e de xénero, o SIDA, a violencia de xénero...
En canto á
técnica pictórica seleccionada, empregamos como referente a obra do artista
xienense Santiago Ydáñez.
Comentarios
Publicar un comentario