Charla sobre alimentación e obradoiro de cociña saudable

 

O martes 7 de maio organizouse a charla para a escola de pais e nais Alimentación consciente e rendemento escolar, impartida pola dietista Belén Ventín.

A actividade celebrouse de maneira simultánea ao obradoiro Cociña saudable para a rapazada, co que unha vez máis pretendemos conciliar para poder formarse e aprender e educar de maneira saudable e responsable. 

Así presentaba Belén Ventín as actividades de alimentación consciente e cociña saudable:

Benqueridas familias:

Unha vez máis, dende a escola de familias presentamos dúas actividades que non nos van deixar indiferentes: 

Charla para familias: “Alimentación consciente e rendemento escolar”. Impartida por Belén Ventín (dietista).

Obradoiro de cociña saudable para o alumnado.

Que si, que si, que aínda no 2024 hai que explicar a relación entre a capacidade cognitiva, intelixencia, estado de ánimo… e as comidas que facemos. Imos aló!  

 

 

 

 

Tratouse da importancia da alimentación saudable no rendemento académico, do uso excesivo de alimentos procesados e da inxestión diaria de azucre por parte da rapazada. 

Por outra banda, no obradoiro de cociña saudable os nosos pequenos e pequenas aprenderon receitas sinxelas e moi apetitosas pero, sobre todo con ingredientes naturais. 

 

Tamén gozaron e o pasaron xenial dándose conta de como elas e eles mesmos poden axudar a elaborar ricos pratos e facelos de xeito san usando a imaxinación.