Séguenos por correo electrónico

jueves, 14 de febrero de 2013

Día da Paz 2013 no CPI A PICOTA





O pasado 30 de xaneiro celebramos como cada ano o día da Paz no noso centro. O alumnado de E. Secundaria traballou na semana previa,  no horario de titorías,  e en relación ao tema do proxecto de biblioteca,  unha unidade didáctica “Derecho al agua en Bolivia” sobre os problemas da auga neste país, que lles foi facilitado dende o departamento de Orientación do centro.




O mércores 30 visionaron a película de Arturo Ripstein  Cadena perpetua, como podemos ver  nas fotos.





Concurso de SMS. Tamén escribiron “SMS pola PAZ”, a actividade consistía en escribir un texto cos caracteres que entran nunha mensaxe de móvil. Os gañadores foron Lucía Castiñeiras de 2º B, Esteban Figueira de 4º B e Sara Sieira de 2º A.





En E. Infantil e Primaria cada titoría elaborou un peixe con mans e nas burbullas ían escritas as mensaxes de Paz. Finalmente, no propio día, os peixes coas súas burbullas colocaríanse nun río, cuxa elaboración correu a  cargo do alumnado de 3º ciclo. A continuación vemos algún dos momentos de elaboración do mural final resultante.






O río debuxouno Antía, unha alumna de 5º, e logo entre todos puxéronlle cor.


Na foto podemos ver a Antía e a Sheila recortando as letras de “Os peixes da Paz” que logo se puxeron sobre o mural. 


Finalmente vemos como quedou o mural antes do acto da Paz.





Logo cada neno lería a burbulla coa súa mensaxe e logo pegaríanse no mural saíndo do peixe elaborado por eles. A continuación algunhas das fotos do  momento da lectura.









E así foi como quedou o mural da Paz finalmente.




Para rematar o acto fomos a cantar a canción da Paz “Los niños queremos Paz” a sala de audiovisuais.









 Rematando logo co baile da Paz.






Na biblioteca tamén se puxeron algúns libros con temática da Paz nunha pequena exposición .