Como cada 30 de xaneiro celebramos o día da Paz, pero antes de chegado o día o noso centro foise preparando. O lema elexido este ano como fío condutor foi a frase do pacifista hindú Mahatma Ghandi “non hai camiño para a paz, a paz é o camiño”. Así durante os recreos do mes de xaneiro escoitouse música relativa a esta temática, elexindo para cantar no acto do día 30 a canción de Alex Campos “Pinta el mundo”.
En secundaria estamparon o lema elexido sobre camisetas blancas, coa pegada do pé de cada un no medio, e enchéronse as paredes con poemas alusivos tanto en galego como en francés, inglés ou portugués; así como o mural coa letra da canción elexida. A continuación podemos ver algunhas fotos.
Nas seguintes fotos veredes o estupendo traballo sobre a Paz que fixeron os alumnos de 4º PDC coa profesora Hortensia , con escenas de paz-guerra nas que saen os propios alumnos.
En primaria fixéronse diversos muráis relacionados co lema de
Ghandi, e cada clase realizou as súas pegadas en papel adhesivo, as pegadas
levaban á biblioteca, que era onde estaba o mural de Ghandi elaborado polos de
3º.
O equipo de biblioteca tamén convocou un concurso de caligramas sobre
pombas pintadas por Picasso, en relación co proxecto de biblioteca sobre
pintura.
A profesora de relixión traballou o conto de “As grullas da paz” e
realizou as grullas cos maiores. A continuación algunhas fotiñas dos muráis
realizados.
E chegou o 30 de xaneiro! En secundaria fixeron o acto pola
mañan. Os alumnos de Música de 4º ESO tiñan preparado un baile en roda
“Hora Chadera” de Israel e logo todos os alumnos de ESO cantaron
a canción “Pinta el mundo”. Finalmente
fixeron unha fotiño todos xuntos, alumnos e profes coas camisetas que tiñan elaborado.
Os de Infantil e
Primaria fixemos o acto pola tarde. Tivemos dúas presentadoras de luxo Antía de
6º e Paula Rodríguez de 5º, que nos foron presentando as diversas actividades:
o mural sobre o cadro da “nena con pomba” de Picasso que fixeran os de 3 anos,
o mural de caligramas feitos polos de 4 e 5 anos, as ocurrentes rimas da paz
feitas polos de 1º e 2º e a lectura dos caligramas de paz gañadores de 3º a 6º.
Tamén se aproveitou para entregar os premios da carreira pedestre celebrada o
24 de xaneiro. Logo tivemos uns bailes que prepararon as nenas de 5º sobre a
canción de “código amistad” de Violeta e os de 6º, coa canción “son mis amigos”
do grupo Amaral, que foron todo un éxito!! E ahora algunhas fotos!!
Comentarios
Publicar un comentario