En Educación Infantil e Primaria coñecemos
a Xosé Filgueira Valverde e algo da vida
e obra do “Vello Profesor” mediante o
traballo nas aulas e tamén de xeito conxunto nun acto colectivo, celebrado o luns 18 de
maio, coas seguintes actividades:
-Cada clase ilustrou 2 versos do poema “Os
maios”, nunha tira de Aironfix, que logo sería pegada nas escaleiras de subida
do edificio de primaria, por onde teñen que pasar todos os nenos destas etapas
educativas. Despois de colocar os versos fíxose unha lectura colectiva dos
mesmos por un representante de cada clase.
-Entre todos recreamos a figura do “Vello
Profesor”. Cada clase encargouse de decorar ou pintar, segundo o seu gusto,
unha parte do mural, que quedou como se pode ver na foto.
