O pasado
martes, 20 de marzo, os nenos de 1º,2º 3º e 4º fomos de excursión a Santiago
para asistir á representación dunha obra de teatro titulada “O conto da
azuzaina”.
Fomos todos nun só autobús de Autos González,
e xa o pasamos ben polo camiño porque fomos cantando, xogando e charlando.
Cando chegamos
a Santiago pudemos ver as torres da catedral mentras iamos camiñando pola rúa.
Logo os profes compráronnos unhas galletas nun supermercado para que non
tiveramos fame no teatro, e estaban riquísimas, todos repetimos varias veces!
Cando chegamos
á entrada do Teatro Principal atopámonos con Noemí, unha ex-alumna do noso cole
que ahora vai a outro colexio de Santiago e estaba alí coa súa clase para ver a
mesma obra que nós, que casualidade!
Mentres
esperabamos para entrar vimos unha porta cun picaporte en forma de man que nos
chamou a atención, e tamén nos sorprendeu ver tres policias patrullando con
armas.
Cando por fin
entramos ao teatro vimos que a sala era inmensa, tiña moitos asentos e estaba
moi ben decorada. A obra trataba de dous chicos que estaban nunha “fábrica”
facendo libros. Un deles morría de sono e quedaba a durmir moi fácilmente. O
seu xefe primeiro mandoulles facer un libro de animais: vacas, porcos,...ata
que chegaron ao ornitorrinco, que non sabían como era nin que son facía. Cando
remataron o libro pedíanlle os cartos dicindo “TACA,TA” pero o xefe non lles
pagaba. Despois mandoulles facer tamén o
libro das familias.
Ao final da
obra os actores presentaronse e dixéronnos que eran Pedro, Fran e Juan; Logo deixáronnos facerlles preguntas, que
foron contestando entre os tres con moito agarimo.
Cando saímos
do Teatro fomos outra vez para coller o autobús, que nos levou a Area Central,
que foi onde comemos. Todos levabamos moita comida rica e moitas chuches.
Despois de comer os de 3º e 4º fomos a comprar a unha máquina de bolas e algúns
compraron un sobre de cromos. Logo fomos para a praza que hai no medio de Área
Central e xogamos ao redor dunha fonte que hai alí e que estaba bastante chea
de lixo.
E chegou a
hora de voltar para o cole... fixemos unha foto todos xuntos e voltamos ao
autobús. Na viaxe de volta tamén o pasamos moi ben cantando e xogando.
Foi unha viaxe
moi longa e divertida. Pasámolo xenial!!
Xornalistas: Alumnado de 4º