No mes de abril, a rapazada de primeiro viviu unha gran experiencia na primeira saída de estudos, realizada polo monte da Picota. Foi unha xornada de descubrimentos, aprendizaxes, deseñada para despertar a curiosidade, o respecto pola natureza, traballo en equipo e diversión.
Dende a primeira hora, os pequenos exploradores investigaron a contorna,
analizaron todo o que se atopaban ó seu paso e consultaron os libros que
levabamos para esta saída.
Quizais o momento máis impactante foi atopar unha toupa morta,
houbo moitas pescuda de información para ver que puido acontecer e moitas hipóteses
sobre os motivos. Consideraron oportuno crearlle unha tumba para o seu
descanso.
Na última parte do paseo, e nun compromiso espontáneo coa
natureza por parte dalgunhas crianzas, dedicáronse a recoller o lixo que
atopaban. Foi unha actividade que nos permitiu reflexionar sobre a importancia
de deixar pegada coas nosas accións.
Para acabar a xornada compartimos unha comida en grupo, contando historias,
ríndonos e creando momentos que quedarán
no noso recordo. Xogaron e experimentaron cos seus movementos.
Comentarios
Publicar un comentario