Abrimos novo curso. Sabemos que vai ser moi diferente, que nada volverá ser o mesmo logo da chegada da pandemia. Por iso dicimos que será un curso EXCEPCIONAL nos dous significados do termo. Por diferente e polas novas posibilidades que se nos abren. Queremos sacar o mellor deste tempo de incerteza, porque sabemos que é nas crises cando a creatividade voa e permite descubrir novas posibilidades.
A biblio do CPI A Picota seguirá aberta este ano, sabemos que non poderemos desenvolver moitas das actividades que viñamos realizando, pero tentaremos programar e desenvolver outras. Este blog será a principal vía de difusión e participación a distancia da comunidade educativa. Queremos que participedes!
Está xa dispoñible nun enlace na parte superior do blog, a dirección do noso catálogo de libros en liña. Se quredes buscar ou saber se temos un determinado libro, buscádeo e contactade con nós a través do correo da biblio: mazaricoteca@gmail.com
Deixámosvos tamén o noso novo protocolo de acceso e uso dos espazos da biblioteca adaptado á nova normativa Covid.
Abrimos ás portas! Moito ánimo! Moitas lecturas ! Será un ano excepcional !
Comentarios
Publicar un comentario